Undrelaboratoriet 7

All kunnskapen vi har i dag, kjem av at nokon har stilt spørsmål og undra seg over verda rundt seg. I Undrelaboratoriet snur vi kompetansemåla i læreplanen til forskarspørsmål. Her får du bruke nysgjerrigheita di som ei drivkraft til å finne ny kunnskap, med utgangspunkt i forskingsspørsmål som angår deg.
Er det aktive vulkanar i Noreg? Kvifor får vi støyt? Kva hadde skjedd om vi bytte ut læraren med ein robot? I denne boka skal du mellom anna få lære meir om kva teknologi er, og sjølv vere med og utvikle idear til korleis teknologi kan forbetre klasserommet. Du skal gå på undringsjakt og lære meir om korleis du kan forske sjølv. Og ikkje minst: Du får undre deg og undersøkje problemstillingar saman med andre.
I Undrelaboratoriet oppmuntrar vi deg til å ta vare på nysgjerrigheita di, og halde fram med å stille spørsmål om verda rundt deg.
Boka er utarbeidd i samarbeid med Nysgjerrigper, Noregs Forskingsråd sitt tiltak for barn og unge.