Lengten etter mor lengten etter far

Livshistoriene i denne boka er òg sunnhordlandshistorie. Dei som fortel har gitt oss både sterke forteljingar og private bilde som samla gir oss unike tidsbilde. Sunnhordland museum har lang tradisjon for å bruka forteljinga for å formidla den viktige immaterielle kulturarven - det vanskelege ordet som handlar om det me ikkje kan sjå og ta på, men berre gjera, høyra eller lesa om.

Johanne Øvstebø Tveiten skriv om boka: Dei fire forteljingane eg har fått lov å skriva om i denne årboka, er sterke og personlege og treff oss i hjarta. Som forfattar er eg svært takksam for det dei har delt med oss. Det har kosta dei både tårer og tid, for kvar enkelt har fått høve til å arbeida med teksten til den kjendest rett for dei. Likevel har eg fått prega forteljingane med mine litterære grep. Takk også til søsken av desse fire som har vore med og henta fram bilete frå familiealbum og lete oss få kikka inn i deira felles barndom og ungdomstid. Det har gitt oss eit heilheitleg bilde av kvardagsliv og samfunnsliv i Sunnhordland som eg vonar du som lesar har sett pris på.

Me er blitt både rikare og klokare av Sønneva, Åge, Geir og Karin Maria sine forteljingar. Tusen takk!