Godt å få det ut

Gjennom snart 20 år har Drøset vore fast innslag i Bygdebladet for Randaberg, Rennesøy og Kvitsøy. Stykka inneheld tema om det meste som skjer rundt oss, både lokalt og litt utanfor vår eigen hage. Inspirasjonskjeldene kan vera så mangt - så vel folk flest som firføtte og flygande, politikarar og kongelege. Av og til blir ting sett med litt fininnstilte briller, og andre gonger er folk og hendingar vurderte frå ein meir skrå vinkel. Så ein bør gjerne ikkje forstå alle drøsa heilt bokstavleg, men det gjer heller ikkje noko.
Fyrste samlinga med drøs kom i 2015 og hadde tittelen Bare så det er sagt. Med bok nummer to blir det sagt endå litt meir. Kor vist det er, blir det opp til lesaren å vurdere.