Magiske Melkevik

Kurt Inge Larsen er glad i heimbygda si. Han er stolt og takksam for at han var så heldig å få veksa opp nettopp her ¿ i Melkevik. I 2016 laga han suksessfilmen Melkevik gard på Bømlo - frå kommunesenter til turistmagnet. Seks år seinare kjem no boka Magiske Melkevik. Her tar han lesaren med tilbake i tid, til Melkeviksbakkane på 1700-talet, til oldeforeldra Martha og Sjur Larsen, som kjøpte staden i 1882 og byrja etableringa av firma S. Larsen, ei bedrift som framleis er i drift no i femte generasjon.I «Magiske Melkevik» fortel Kurt Inge Larsen om bygginga av den berømte Kulleseidkanalen, om korleis lokalsamfunnet har utvikla seg i dei 140 åra som er gått sidan Martha og Sjur slo seg ned der ¿ og om lagnaden til alle etterkomarane etter dei driftige oldeforeldra hans. Mange spennande livshistoriar!Her er forteljingar om ein sorglaus oppvekst i idyllen ved Kulleseidkanalen, men også om bygdetroll, om vonde hendingar i krigsår, om ein mirakelmann som slo seg ned og om folka som har kjøpt og vil vidareutvikle den populære turistmagneten. Viktig lokalhistorie, sett frå Melkevik i Finnåsbygda!