Tida flyg

Bli med på ein historisk flytur over Sunnmøre. På denne ferda vil du få sjå korleis denne landsdelen tok seg ut frå lufta tidlegare. Frå si store samling med eldre flyfoto har forfattaren Johan Ottesen plukka bortimot 250 bilete som han presenterer i denne boka. Dei fleste fotografia er kring 50 år gamle. Men der er også foto som går heilt attende til pionertida for flyfotografering . til 1920-åra. Sidan desse bileta vart tekne, har det vore store endringar i både bygd og by. Og på denne rundturen innom alle kommunane på Sunnmøre har ein lagt mest vekt på stadene der det har vore dei største endringane framover mot i dag. Johan Ottesen (f. 1944) driv i dag eit fotoarkiv med flyfoto frå heile landet. Han har gitt ut ei rekkje lokalhistoriske bøker. Dei siste åra har han skrive mest om fiskedampskip og ishavsskuter.